«Three4ResilientArmenia» նախաաքսելերացիոն ծրագիրն ընդունում է հայտեր։
Այս հնգամսյա ծրագիրը նախատեսված է տեղահանված ձեռնարկատերերի, հակամարտությունից կամ Լոռիի ջրհեղեղից տուժած տեղացիների կողմից ղեկավարվող բիզնեսներն ամրապնդելու համար։
Մասնակիցները ձեռք կբերեն իրենց բիզնեսն ընդլայնելու, ներդրումներ ներգրավելու և ավելի դիմակայուն տեղական տնտեսության ձևավորմանը նպաստելու համար անհրաժեշտ գործիքներ, գիտելիքներ և կապեր։
Ծրագրի ընդհանուր նկարագիր
«Three4ResilientArmenia» նախաաքսելերացիոն ծրագիրն աջակցում է Հայաստանի ողջ տարածքում՝ բոլոր ոլորտներում գործող 15 փոքր և միջին ձեռնարկությունների (ՓՄՁ)։
Գործնական ուսուցման, անհատականացված մենթորինգի և քոուչինգի միջոցով մասնակիցները կկատարելագործեն իրենց բիզնես մոդելները, կամրապնդեն շուկայական կապերը և կպատրաստվեն կայուն աճի։
Այս ծրագիրն իրականացվում է «Three4ResilientArmenia» ծրագրի շրջանակներում, որը ֆինանսավորվում է Եվրոպական միության կողմից և իրականացվում է «Հայկական Կարիտաս»-ի, IRIS բիզնես ինկուբատորի և «Impact Hub Armenia» սոցիալական նորարարությունների զարգացման հիմնադրամի կողմից։
Ծրագրի նպատակները
Ծրագրի նպատակն է աջակցել մասնակիցներին․
- Ստուգել իրենց հիմնական բիզնես մոդելի կենսունակությունը՝ հաճախորդների կարիքների համակարգված ուսումնասիրության և շուկայի վերլուծության միջոցով։
- Մշակել կամ կատարելագործել առկա ապրանքը կամ ծառայությունը՝ շուկայական չափանիշներին համապատասխանեցնելու համար։
- Նախնական կապեր հաստատել հնարավոր գնորդների, գործընկերների և ֆինանսական հաստատությունների հետ։
- Մշակել բիզնես պլան՝ պատրաստվելով համալիր ուսումնասիրությանն ու գնահատմանը (due diligence) և ներդրումների ներգրավմանը։
- Բարելավել ֆինանսական կառավարման, առաջնորդության, գործառնական կառավարման և բիզնեսի ներկայացման հմտությունները։
Ովքեր կարող են դիմել
Դիմորդները պետք է համապատասխանեն հետևյալ պահանջներին՝
- Գործունեություն Հայաստանում․ բիզնեսը պետք է գործունեություն ծավալի Հայաստանի Հանրապետության տարածքում։
- Գործող բիզնես․ դիմորդները պետք է ունենան գործող բիզնես։ Իրավաբանական գրանցումը կարող է կատարվել ծրագրի ընթացքում կամ հնարավոր ֆինանսավորում ստանալուց հետո։
- Ժամանակի տրամադրման պատրաստակամություն․ հիմնադիրը կամ համահիմնադիրը պետք է պատրաստ լինի շաբաթական 5–7 ժամ տրամադրելու աշխատարաններին, մենթորինգին, քոուչինգին, առաջադրանքներին և փոխադարձ ուսումնառությանը։
- Էթիկական և բնապահպանական պատասխանատվություն․ բիզնեսները պետք է գործեն էթիկական սկզբունքներին համապատասխանող ոլորտներում, չզբաղվեն այնպիսի գործունեությամբ, օրինակ ինչպիսին է ծխախոտի արտադրությունը, և կիրառեն շրջակա միջավայրի համար անվտանգ գործելակերպեր։
Ծրագրին կարող են դիմել՝
- 2020 և 2023 թվականներին Լեռնային Ղարաբաղից տեղահանված ձեռնարկատերերը, որոնք վերսկսել են իրենց բիզնես գործունեությունը Հայաստանում։
- 2020 թվականի պատերազմի մասնակիցների կողմից ղեկավարվող գործող և աճի մեծ ներուժ ունեցող բիզնեսները։
- Հակամարտությունից տուժած տեղական գործող և աճի մեծ ներուժ ունեցող բիզնեսները։
- 2024 թվականին Լոռիում տեղի ունեցած ջրհեղեղից տուժած բիզնեսները։
Մասնակիցներից ակնկալվում է շաբաթական 5–7 ժամ տրամադրել աշխատարաններին և մենթորինգին։
Ինչ կստանան մասնակիցները
- Կարողությունների զարգացում․ փորձագետների կողմից անցկացվող մինչև 14 աշխատարան՝ բիզնեսի հիմունքների, մարքեթինգի, վաճառքի, ներդրումների ներգրավման պատրաստվածության և այլ թեմաներով։
- Մենթորինգ և քոուչինգ․ յուրաքանչյուր ձեռնարկության համար մինչև 9 ժամ անհատականացված ուղղորդում տեղական և միջազգային փորձագետների կողմից՝ ըստ անհրաժեշտության կամ հարցման։
- Աջակցություն համալիր ուսումնասիրությանն ու գնահատմանը (due diligence) և ներդրումների ներգրավմանը։
- Ֆինանսական աջակցություն․ լավագույն 10 ձեռնարկությունները հնարավորություն կունենան VIA Fund-ի միջոցով ստանալու միջինը 10,000 եվրոյի չափով դրամաշնորհներ։
- Կապերի ընդլայնման հնարավորություններ․ Իմփաքթ Հաբ Երևանի՝ ավելի քան 340 հոգուց բաղկացած ցանցին հասանելիություն և ավելի քան 100 երկրներում միջազգային կապեր հաստատելու հնարավորություն։
Ծրագրի ժամանակացույց
Հայտերի ընդունման վերջնաժամկետ․
Ծրագրի տևողություն․ 2026 թվականի դեկտեմբեր – 2027 թվականի ապրիլ
Անցկացման վայր․ Իմփաքթ Հաբ Երևան
Ընտրության չափանիշները
Հայտերը կգնահատվեն հետևյալ չափանիշներով․
- Բիզնեսի կենսունակություն՝ 30%․ հստակ սահմանված խնդիր, վճարող հաճախորդների առկայություն, ընթացիկ բիզնես գործունեություն և հաճախորդին առաջարկվող համոզիչ արժեք։
- Թիմի կարողություններ՝ 20%․ համապատասխան փորձ, միմյանց լրացնող հմտություններ, հստակ բաշխված դերեր և գործնականում արդյունքի հասնելու ապացուցված կարողություն։
- Բիզնեսի ընդլայնման ներուժ՝ 30%․ շուկայի ծավալ և ընդգրկում, ընդլայնման հնարավորություններ, ինչպես նաև տեխնոլոգիաների կիրառմամբ կամ այլ շուկաներում վերարտադրելի բիզնես մոդել։
- Հայտի որակ՝ 10%․ հստակ, ամբողջական և մասնագիտորեն կազմված հայտ, որը համապատասխանում է հրահանգներին և պարունակում է համոզիչ հիմնավորումներ։
- Նորարարության աստիճան՝ 10%․ առաջարկվող լուծման նորարարության մակարդակն առկա այլընտրանքների համեմատ։
Լրացուցիչ միավոր՝ համայնքի վրա դրական ազդեցության համար․ տեղական համայնքի վրա դրական սոցիալական կամ տնտեսական ազդեցություն ունեցող բիզնեսների վերջնական գնահատականին կավելացվի 1 միավոր։
Բոլոր հայտերը կդիտարկի «Հայկական Կարիտաս»-ի, IRIS բիզնես ինկուբատորի և Իմփաքթ Հաբ Երևանի ներկայացուցիչներից, ինչպես նաև բիզնեսի զարգացման փորձագետներից և ոլորտային կամ ներդրումային փորձագետներից կազմված ժյուրին։ Վերջինս հնարավոր է ներգրավվի VIA Fund-ից։
Ծրագրի ավարտին, վերջնական բիզնես ներկայացման և համալիր ուսումնասիրության ու գնահատման արդյունքների հիման վրա, կընտրվեն 10 մասնակիցներ՝ յուրաքանչյուրին միջինը 10,000 եվրոյի չափով դրամաշնորհ տրամադրելու համար։
Հարցե՞ր
Գրանցվե՛ք և մասնակցե՛ք նոյեմբերի 6-ին՝ ժամը 13:00-ին կայանալիք մեր առցանց տեղեկատվական հանդիպմանը։
Դիմե՛ք այսօր
Դիմե՛ք Three4ResilientArmenia նախաաքսելերացիոն ծրագրին և կատարե՛ք հաջորդ քայլը դեպի կայուն աճ։ Լրացրե՛ք հայտադիմումի ձևաթուղթը՝ դիմելու համար։
Three4ResilientArmenia ծրագիրը ֆինանսավորվում է Եվրոպական միության կողմից և իրականացվում է Հայկական Կարիտասի, ԻՐԻՍ բիզնես ինկուբատոր հիմնադրամի և Իմփաքթ Հաբ Արմենիա սոցիալական նորարարության զարգացման հիմնադրամի կողմից։ Ծրագրի նպատակն նպաստել է Լեռնային Ղարաբաղից տեղահանվածների և հյուրընկալող համայնքների սոցիալական ներառմանն ու տնտեսական ինտեգրմանը։