«Three4ResilientArmenia» Նախաաքսելերացիոն Ծրագիր

Դուք Սյունիքում ծավալո՞ւմ եք ձեռնարկատիրական գործունեություն գյուղատնտեսական կամ գյուղատնտեսությանը հարակից ոլորտներում, որն ունի զարգացման ներուժ։

Ծանոթացեք «Three4ResilientArmenia» նախաաքսելերացիոն ծրագիրն։ Այս 5-ամսյա ծրագիրը նախատեսված է` ամրապնդելու Սյունիքի մարզում գործող գյուղատնտեսական և գյուղատնտեսությանն առնչվող այն բիզնեսները, որոնք ծավալում են տեղահանված ձեռնարկատերեր կամ հակամարտությունից տուժած տեղացիներ։ 

Մասնակիցները ձեռք կբերեն իրենց բիզնեսը զարգացնելու, ներդրումներ ներգրավելու և ավելի կայուն տեղական տնտեսության ձևավորմանը նպաստող անհրաժեշտ գործիքներ, գիտելիքներ և կապեր։

Ծրագրի ընդհանուր նկարագիր

«Three4ResilientArmenia» նախաաքսելերացիոն ծրագիրն աջակցում է Սյունիքի մարզում գյուղատնտեսության և հարակից ոլորտներում գործող 15 փոքր և միջին ձեռնարկությունների (ՓՄՁ)։

Գործնական ուսուցման, անհատականացված մենթորինգի և քոուչերի հետ աշխատանքի միջոցով մասնակիցները կկատարելագործեն իրենց բիզնես մոդելները, կամրապնդեն շուկայական կապերը և կպատրաստվեն կայուն աճի։

Այս ծրագիրն իրականացվում է «Three4ResilientArmenia» նախագծի շրջանակներում, որը ֆինանսավորվում է Եվրոպական միության կողմից և իրականացվում է «Հայկական Կարիտաս»-ի, IRIS բիզնես ինկուբատորի և «Impact Hub Armenia» սոցիալական նորարարությունների զարգացման հիմնադրամի կողմից։

Ծրագրի նպատակները

• Հաստատել իրենց հիմնական բիզնես մոդելը՝ կառուցվածքային հաճախորդային ուսումնասիրության և շուկայի վերլուծության միջոցով։
• Մշակել կամ կատարելագործել առկա ապրանքը/ծառայությունը՝ շուկայական չափանիշներին համապատասխանեցնելու համար։
• Նախնական կապեր հաստատել պոտենցիալ գնորդների, գործընկերների և ֆինանսական հաստատությունների հետ։
• Բիզնես պլան մշակել՝ պատրաստ լինելով ուսումնասիրությունների և ներդրումների։
• Բարելավել իրենց ֆինանսական կառավարման, առաջնորդության, գործառնական կառավարման և ներկայացման հմտությունները։

Ո՞վ կարող է դիմել

Ծրագիրը բաց է Սյունիքի մարզում գյուղատնտեսության և հարակից ոլորտներում գործող ձեռնարկատերերի և փոքր ու միջին ձեռնարկությունների (ՓՄՁ) համար, ներառյալ՝

• Գյուղատնտեսություն (օրինակ՝ բերքահավաքի լուծումներ, բերքի պահպանում և տեղափոխում, տեխնոլոգիական լուծումներ և այլն):
• Գյուղական զարգացում (օրինակ՝ դաշտերի պաշտպանություն, ջրի և/կամ թափոնների կառավարում, աղետների ռիսկերի նվազեցում, էկոլոգիապես մաքուր/կանաչ նախագծեր և այլն):
• Գյուղատնտեսական տուրիզմ (օրինակ՝ ընտանեկան գյուղատնտեսություն, ֆերմերային խանութներ, ֆերմերային տուրիզմ, գաստրոտուրիզմ, տեղական գինեգործություն, փոքր կաթնամթերքի գործարաններ, փոքր անասնապահական ֆերմաներ և այլն)։ 
• Առողջ սննդի ոլորտի զարգացման գաղափարներ:
• Խմիչքների արտադրության նորարարական տեխնոլոգիաներ (գինեգործություն և այլն):

Ողջունելի են հայտերն այն անհատներից և թիմերից, ովքեր պատրաստ են ամրապնդել իրենց բիզնեսը, ուսումնասիրել նոր շուկաներ և նպաստել տեղական տնտեսական կայունությանը: Ծրագրի վերջնական շահառուների 70%-ը կլինեն տեղահանված ձեռներեցները, իսկ 30%-ը՝ տեղացիները: 

Ծրագրին կարող են դիմել՝

• 2020 և 2023 թվականներին Լեռնային Ղարաբաղից տեղահանված ձեռնարկատերեր, ովքեր վերսկսել են իրենց գործունեությունը Հայաստանում
• 2020 թվականի պատերազմի մասնակիցների կողմից ծավալվող, գործող և աճի մեծ ներուժ ունեցող բիզնեսներ
• Հակամարտությունից տուժած տեղական բիզնեսներ, որոնք գործում են և ունեն աճի մեծ ներուժ։

Ձեր բիզնեսի ընդլայնման գաղափարը պետք է նաև խթանի կայուն զարգացմանը և ամրապնդի Սյունիքի տեղական համայնքները։Մասնակիցներից ակնկալվում է շաբաթական 5-7 ժամ նվիրել սեմինարներին և մենթորինգին։

Ի՞նչ կստանաք

• Կարողությունների զարգացում – Մինչև 14 փորձագետների կողմից ղեկավարվող վարպետաց դասեր, որոնք կներառեն բիզնեսի հիմունքներ, մարքեթինգ, վաճառք, ներդրումային պատրաստվածություն և այլ թեմաներ։
• Մենթորինգ և քոուչինգ – Անհատականացված ուղղորդում տեղական և (պահանջարկի/անհրաժեշտության դեպքում) միջազգային փորձագետների կողմից (մինչև 9 ժամ մեկ ձեռնարկության համար)։ 
• Բիզնես համադրման միջոցառումներ
• Մանրազնին ուսումնասիրություն և ներդրումային աջակցություն – ՎԻԱ ֆոնդի գնահատման և հնարավոր ֆինանսավորման նախապատրաստում։
• Ֆինանսական աջակցություն – Լավագույն 10 ձեռնարկությունները հնարավորություն կունենան ստանալ միջինը 10,000 եվրո դրամաշնորհներ ՎԻԱ ֆոնդի միջոցով։
• Ցանցային հնարավորություններ – Միացե՛ք Իմփաքթ Հաբ Երևանի ավելի քան 340 փոփոխություն ստեղծողներից բաղկացած ցանցին և ստացե՛ք գլոբալ կապերի հասանելիություն ավելի քան 100 երկրներում։

Ծրագրի ժամանակացույց

• Հայտերի ընդունման վերջնաժամկետ․ 2025 թվականի նոյեմբերի 13 (տեղական ժամանակով՝ 23:59)
• Ծրագրի տևողություն․ 2025 թվականի դեկտեմբերի 1 – 2026 թվականի ապրիլի 30
• Հասցե․ Իմփաքթ Հաբ Սյունիք

Ընտրության չափանիշներ

Ծրագրում ընդգրկվելու համար հայտերը գնահատվելու են հետևյալ հիմունքներով՝

Բիզնեսի կենսունակություն՝ խնդրի/հաճախորդի, ինչպես նաև տեղական արժեքային շղթաների համապատասխանություն։

Մասշտաբայնություն՝ շուկայական ներուժ և կրկնօրինակման հնարավորություն։

Թիմի կարողություններ և նվիրվածություն՝ փորձառություն և ժամանակի տրամադրում։

Նորարարություն՝ լուծման յուրահատկություն։

Հայտի պարզություն՝ հստակ, ամբողջական և պրոֆեսիոնալ։

Բոլոր հայտերը կքննարկի Հայկական Կարիտասի, IRIS Բիզնես Ինկուբատորի, Impact Hub Armenia-ի, VIA ֆոնդի և գյուղատնտեսական ոլորտի ներկայացուցիչներից կազմված ժյուրին։ 

Ծրագրի ավարտին, իրենց վերջնական ներկայացման և ուսումնասիրության արդյունքների հիման վրա, կընտրվեն 10 մասնակիցներ՝ յուրաքանչյուրը միջինը 10,000 եվրո դրամաշնորհի համար։

Ունե՞ք հարցեր։

Միացե՛ք մեր առցանց տեղեկատվական հանդիպմանը հոկտեմբերի 30-ին, ժամը 13:00-ին https://us06web.zoom.us/meeting/register/67gK2ELYRZSai9geLVRwaw#/

Միացե՛ք մեր օֆլայն տեղեկատվական հանդիպմանը նոյեմբերի 4-ին, ժամը 15:00-ին, Իմփաքթ Հաբ Սյունիքում: 

Impact Hub Armenia սոցիալական նորարարության զարգացման հիմնադրամ

Էլ. փոստ՝ [email protected] 

Դիմե՛ք այսօր

Ժամանակն է զարգացնելու Ձեր գյուղատնտեսական բիզնեսը, հզորացնելու Ձեր համայնքը և ստեղծելու ավելի կայուն Սյունիք։ 

Դիմե՛ք հիմա Three4ResilientArmenia նախաաքսելերացիոն ծրագրին և կատարե՛ք հաջորդ քայլը դեպի կայուն աճ։ 🌱 Սեղմե՛ք ստորև նշված կոճակը՝ ձևաթուղթը լրացնելու և հայտ ներկայացնելու համար։