…Ծրագրի բաղադրիչները շարունակական են, հետևեք թարմացումներին…
Նկարագրություն և նպատակ
«Սոցիալական ազդեցության նորարարներ» ծրագիրը, համագործակցությամբ «Իմփաքթ Հաբ Երևան»-ի և Հայաստանում ԱՄՆ դեսպանատան հետ, նպատակ ունի հզորացնել հայ երիտասարդներին՝ զարգացնելով նրանց ձեռներեցության և սոցիալական նորարարության հմտությունները։ Ծրագիրը նախատեսված է գյուղական շրջաններից և խոցելիություն ունեցող երիտասարդների համար՝ կենտրոնանալով Սյունիքի և Շիրակի մարզերի վրա։ Ամեն մարզում մեկ տարի տևող այս ծրագրի ընթացքում մասնակիցները կստանան ձեռներեցության կարևոր հմտություններ, կաշխատեն հասարակական խնդիրների նորարարական լուծումների վրա և կզարգացնեն իրենց սոցիալական ձեռնարկությունները։
Ծրագիրը ներառում է իրազեկման արշավներ, հաքաթոններ, բութքեմփներ և ինկուբացիոն փուլեր, որոնց ավարտին մասնակիցները հնարավորություն կունենան ներկայացնելու իրենց ձեռնարկությունները, ստանալու ֆինանսավորում և մենթորություն ԱՄՆ փորձագետներից:
Հիմնական գործողություններ
- Ձեռնարկատիրական իրազեկման արշավներ և աշխատարաններ. Սոցիալական ձեռներեցության մասին աշխատարաններ և զրույցներ՝ նպատակ ունենալով բարձրացնել իրազեկությունը և ոգեշնչել երիտասարդ հայերին՝ ուսումնասիրելու ձեռներեցությունը որպես կարիերայի ուղի։
- Հաքաթոններ. Սյունիքի և Շիրակի մարզերի երիտասարդները կառաջարկեն նորարարական լուծումներ տեղական սոցիալական և շրջակա միջավայրի խնդիրների համար՝ գործնական հաքաթոնների միջոցով:
- Բութքեմփներ. Երկշաբաթյա ինտենսիվ ծրագրեր, որոնք կներառեն ձեռներեցության հմտությունների, STEM-ի վրա հիմնված լուծումների և սոցիալական նորարարությունների ուսուցում, ավարտվելով Դեմո Օրվա միջոցառմամբ, որտեղ մասնակիցները կկարողանան ներկայացնել իրենց գաղափարները։
- Ինկուբացիոն ծրագրեր. Երեքամսյա ինկուբացիոն ծրագրեր ամենահեռանկարային ձեռնարկությունների համար՝ տրամադրելով ռեսուրսներ, ուսուցում, տեսանելիություն և մենթորություն։
- Մենթորություն (ԱՄՆ փորձագետների կողմից). Հաղթող թիմերը կստանան անհատական մենթորություն՝ իրենց ձեռնարկությունները հետագա զարգացնելու և ԱՄՆ-Հայաստան գործընկերություններ ստեղծելու համար:
Առավելություններ
Մասնակիցները հնարավորություն կստանան՝
- Մասնակցելու անհատականացված և կարիքների վրա հիմնված սեմինարների և դասընթացների
- Մշտապես ստանալու մենթորություն և աջակցություն փորձագետների կողմից
- Կապեր հաստատելու համախոհ գործընկերների, ոլորտի փորձագետների և հնարավոր ներդրողների հետ
- Ներկայացնելու իրենց ձեռնարկությունները և ստանալու ֆինանսավորում՝ իրենց ձեռնարկությունները սկսելու համար
- Անդամակցելու Սյունիքի և Գյումրու «Իմփաքթ Հաբ»-երին՝ ստեղծարար տարածքներում աշխատելու հնարավորությամբ
- Հասանելիություն ունենալու «Իմփաքթ Հաբ»-երի 100+ գլոբալ ցանցին
- Ծանոթանալու և ուսումնասիրելու ԱՄՆ ձեռներեցների լավագույն փորձը
Ժամանակացույց
Ծրագիրը տևում է մեկ տարի յուրաքանչյուր մարզում՝
- Սյունիք: 2024թ. հոկտեմբեր – 2025թ. հոկտեմբեր
- Շիրակ: 2025թ. հոկտեմբեր – 2026թ. հոկտեմբեր
Թիրախային խումբ
Ծրագիրը բաց է հայ երիտասարդների համար, հատկապես գյուղական շրջաններից և խոցելիություն ունեցող երիտասարդների համար։ Ծրագրի գործողությունները միտված են ներգրավելու Սյունիքի և Շիրակի մարզերի երիտասարդներին։
Սյունիքի և Շիրակի մարզերի 16-30 տարեկան երիտասարդները, ներառյալ տեղահանված անձինք, հաշմանդամություն ունեցողները և սոցիալական նորարարությամբ հետաքրքրված սկսնակ ձեռներեցները, խրախուսվում են մասնակցել ծրագրի տարբեր գործողություններին։
Ծրագրի գործողությունների, դասընթացների և միջոցառումների մասին ավելին իմանալու համար այցելեք Իմփաքթ Հաբ Սյունիքի, Իմփաքթ Հաբ Գյումրու և Իմփաքթ Հաբ Երևանի ֆեյսբուքյան էջերը:
Ծրագիրը իրականացվում է «Իմփաքթ Հաբ Երևան»-ի և Հայաստանում ԱՄՆ դեսպանատան համագործակցությամբ` ԱՄՆ պետքարտուղարության Հանրային դիվանագիտության գրասենյակի դրամաշնորհի շրջանակներում:
