…Դիմելու վերջնաժամկետը մոտենում է…
Նկարագրություն և նպատակ
Ունե՞ք գաղափար, որը կարող է հեղափոխել կրթությունը Հայաստանում:
Միացե՛ք Garage48-ի և Իմփաքթ Հաբ Երևանի EdTech հեքըթոնին և կյանքի կոչե՛ք ձեր գաղափարները ընդամենը երեք օրվա ընթացքում:
Երեք օրվա ընթացքում դուք կմշակեք նոր կրթական տեխնոլոգիաների լուծումներ՝ միաժամանակ սովորելով բիզնես և թվային հմտություններ։ Այս միջոցառման նպատակն է զարգացնել Հայաստանի ստարտափ համայնքը և երիտասարդներին տալ այն գործիքները, որոնք անհրաժեշտ են կրթության վրա իրական ազդեցություն թողնելու համար։
Առավելություններ
- Ձեռք կբերեք ստարտափ կառուցելու գործնական փորձ:
- Կզարգացնեք ձեռնարկատիրական և թվային հմտություններ:
- Կսովորեք էստոնացի և հայ հաջողակ հիմնադիրներից:
- Կունենաք մենթորների, հաջողակ ձեռնարկատերերի, ոլորտի փորձագետների և կրթական տեխնոլոգիաների առաջնորդների աջակցությունը, ովքեր կօգնեն ձեր գաղափարները իրականություն դարձնել:
- Կծանոթանաք 21-րդ դարի կարևոր հմտություններին, ինչպիսիք են առաջնորդությունը, ստեղծարարությունը, խնդիրների լուծումը և թվային գրագիտությունը:
- Կընդլայնեք ձեր մասնագիտական ցանցը և կգտնեք նոր հնարավորություններ անձնային և մասնագիտական աճի համար:
Երևանից Գյումրի մեկնող մասնակիցների համար կծածկվեն տեղափոխման և 4 օրվա կեցության ծախսերը:
Մրցանակներ
Հաղթող թիմերը կստանան մինչև 8 ժամ մենթորություն իրենց բիզնես զարգացման ծրագրերը հաջողությամբ իրականացնելու համար:
1-ին տեղ՝ 2000 եվրո
2-րդ և 3-րդ տեղ՝ յուրաքանչյուրը 1000 եվրո
Կարևոր ժամկետներ
Միջոցառման օր՝ Նոյեմբերի 8-10, 2024
Վայր՝ Իմփաքթ Հաբ Գյումրի (Շիրակացի 8/8)
Դիմումների վերջնաժամկետ՝ հոկտեմբերի 20, 2024, 23:59
Թիրախային խումբ
- 16-30 տարեկան երիտասարդներ, ովքեր հետաքրքրված են կրթական տեխնոլոգիաներով Հայաստանում:
- Կարող են մասնակցել թե՛ անհատներ, թե՛ թիմեր:
- Հատկապես խրախուսում ենք Երևանից դուրս գտնվող ուսանողների մասնակցությունը։ Ծրագրի ընթացքում կփոխհատուցվեն մասնակցության հետ կապված ճանապարհածախսը, կեցությունը և սնունդը:
Ովքե՞ր կարող են դիմել
- Պետք է հետաքրքրված լինեք կրթական տեխնոլոգիաների զարգացման նկատմամբ:
- Թիմերը պետք է կազմված լինեն 4-6 հոգուց:
- Բաց է տարբեր ոլորտների մասնագետների համար, այդ թվում՝ կրթական տեխնոլոգիաների ստարտափներ, ծրագրավորողներ, բիզնեսի, դիզայնի, մարքեթինգի մասնագետներ, և ուսանողներ:
- Մասնակցության իրավունք ունեն բոլոր այն անձինք, ովքեր հետաքրքրված են հետևյալ թեմաներով՝ հեռավար ուսուցում, արհեստական բանականություն, խաղային կրթություն, ԲՏՃՄ (բնագիտություն, ՏՀՏ, ճարտարագիտություն, մաթեմատիկա) ուղղությունների զարգացման փաթեթներ, ներառական կրթություն և այլ թեմաներ:
