…Այս ծրագիրը ընթացքի մեջ է…
Նկարագրություն
ԱԿԲԱ Ֆեդերացիայի և Իմփաքթ Հաբ Երևանի համատեղ Ֆելոուշիփը մեկ տարի տևողությամբ ձեռնարկատիրական ինկուբացիոն ծրագիր է, որն աջակցում է ձեռներեցներին, ովքեր իրենց նորարարական մոտեցումներով փորձում են լուծել գյուղատնտեսական խնդիրներ։
Նպատակ և առավելություններ
Ֆելոուշիփը նպատակ ունի ոգեշնչել, միմյանց հետ ծանոթացնել և հնարավորություն տալ ձեռներեցներին զարգացնել ու իրականացնել դրական սոցիալական ազդեցություն ունեցող նոր գաղափարներ և այդ ամենն անել աջակցող միջավայրում, որը ներառում է Հայաստանի ավելի քան 250 լավագույն և ամենավառ ձեռներեցների, մենթորների ու անհատների՝ ներկայացված 110-ից ավելի կազմակերպություններից, ձեռնարկություններից և նախաձեռնություններից։
Ֆելոուշիփի նպատակն է աջակցել ձեռներեցներին՝ մեկ հաջողակ թիմի առաջարկելով 1,000,000 դրամ մրցանակ` որպես հավելում Իմփաքթ Հաբի եզակի էկոհամակարգի առավելությունների, որոնք ներառում են․
- Անհատական մասնագիտական մոտեցում և աջակցություն
- Մենթորություն
- Անդամություն Իմփաքթ Հաբում
- Ոգեշնչող տարածքում աշխատելու հնարավորություն
- Մասնագիտական ցանցի ընդլայնում
- 250+ ստեղծագործող նորարարների համայնքի մեջ փորձի փոխանակման հնարավորություն
- Աշխարհի ավելի քան 100 Իմփաքթ Հաբերին հասանելիություն
- Հասանելիություն ԱԿԲԱ ֆեդերացիայի գյուղատնտեսության ոլորտում լայն կապերի ցանցին
- + Մեկ թիմ կստանա 1․000․000 դրամ մրցանակ
Կարևոր ժամկետներ
- Ծրագրի տևողությունը մեկ տարի է։
- Դիմումների վերջնաժամկետ՝ փետրվարի 20, 2022 թ., 23:59 (Երևանի տեղական ժամանակով)։
Ովքե՞ր կարող են դիմել
Նախագծերը պետք է պատկանեն հետևյալ ոլորտներին՝
- Գյուղատնտեսություն (տեխնոլոգիական լուծումներ, բերքի մշակում և բերքահավաք, բերքի պահպանում և փոխադրում, գյուղական համայնքների զարգացում և այլն)
- Համայնքային զարգացում (հողերի պահպանում, ջրի կառավարում, Աղբի վերամշակում/ կառավարում, բնական աղետների ռիսկերի նվազեցում, բնապահպանական նախագծեր, պլաստիկի վերամշակում և այլն)
- Ագրո-տուրիզմ (ընտանեկան տնտեսություններ, ֆերմերային խանութներ, ֆարմ տուրիզմ, տեղական գինեգործություն, փոքրիկ պանրերի գործարաններ, փոքրիկ անասնաֆերմաներ և այլն)։
Ծրագրի մեջ ընդգրկվելու դեպքում բոլոր թիմերը պարտավորվում են իրենց նախաձեռնությանը տալ գերակա առաջնահերթություն (տրամադրելով իրենց ժամանակի առնվազն 50%-ը) և մասնակցել Իմփաքթ Հաբի կողմից կազմակերպված բոլոր ծրագրերի և միջոցառումների։
Ընտրված նախագծերը ծրագրի վերջում պետք է ունենան նվազագույն կենսունակ արտադրանք (MVP):