…Այս ծրագիրն ավարտված է…
Նկարագրություն և նպատակներ
Զարթիր ֆելոուշիփը մեկամյա ծրագիր է, որն իրականացվում է Իմփաքթ Հաբ Երևանի կողմից և սատարում սոցիալական ձեռնարկատերերին, անհատներին, բիզնեսներին, կամ նախագծերին, որոնք գործում են կամ պլանավարում են ներառել ստորև նշված ոլորտները։
Ծրագրի նպատակն է աջակցել Հայաստանում սոցիալական նորարարների աշխատանքը և տրամադրել նրանց Իմփաքթ հաբի յուրահատուկ էկոհամակարգը, որը ներառում է աշխատանքային ենթակառուցվածք, ձեռներեցային խորհրդատվություն, փոխհամագործակցող համայնք, միջազգային համայնքում ներկայություն, կրթական ծրագրեր և միջոցառումներ։
Ֆելոուշիփը նպատակ ունի ոգեշնչել, կապակցել, աջակցել սոցիալական ձեռներեցներին հնարավորինս զարգացնել իրենց սոցիալական կոմպոնենտ պարունակող նախագծերը և հնարավորություն տալ աշխատել մեծ միջազգային համայնքում, որում ներառված են ավելի քան 200 առաջադեմ և շնորհալի անդամներ շուրջ 50 նախագծերից և կազմակերպություններից։
Ժամանակացույց
- Ծրագրի տևողությունը 1 տարի է
- Հայտադիմումների ընդունման վերջնաժամկետը՝ մայիս 25, 2021
- Ծրագրի մեկնարկ՝ հունիսի 7, 2021
Հիմնական ոլորտները
Ծրագրի հիմնական ոլորտներն են (կարող են ներկայացվել նաև այլ ոլորտներ)
- Վետերանների բարեկեցություն
- Մայրերի բարեկեցություն
- Երեխաների բարեկեցություն (մասնավորապես թերսնում և սննդային կրթություն)
- Ընտանեկան բռնություն
- Կենդանիների իրավունքներ և բարեկեցություն (ներառյալ փողոցային շների/կատուների խնդիրը)
- Հաշմանդամեիթյուն ունեցող անձանց բարեկեցություն