Մարզային գաղափարատոն ամառ 2026

Հայտադիմումների ընդունման հրավեր

Three4ResilientArmenia՝ «Մարզային գաղափարատոն ամառ 2026»

Բիզնես գաղափարների գեներացման երկօրյա միջոցառում

Ընդհանուր տեղեկատվություն

Եվրոպական միության կողմից ֆինանսավորվող «Կայուն կենսամիջոցների, ձեռնարկատիրության զարգացման և զբաղվածության հնարավորությունների խթանում տեղահանված և հյուրընկալող համայնքների համար» Three4ResilientArmenia ծրագիրն իրականացվում է «Հայկական Կարիտաս» ԲՀԿ-ի, «ԻՐԻՍ բիզնես ինկուբատոր» հիմնադրամի և «Իմփաքթ Հաբ Արմենիա» սոցիալական նորարարության զարգացման հիմնադրամի կողմից։ Ծրագրի նպատակն է նպաստել Լեռնային Ղարաբաղից տեղահանվածների և հյուրընկալող համայնքների սոցիալական ներառմանն ու տնտեսական ինտեգրմանը։ 

Գաղափարատոնի մասին

Գաղափարատոնն ուսուցողական միջոցառում է՝ ինտերակտիվ և խաղային տարրերով։ Այս դինամիկ մոտեցումը խթանում է ստեղծագործական մտածողությունը, թիմային համագործակցությունը և ձեռնարկատիրական հմտությունների զարգացումը՝ ապահովելով արդյունավետ և հիշարժան երկօրյա փորձառություն։ 

Անկախ ձեռնարկատիրական փորձից, մասնակիցները կսովորեն՝ ինչպես գեներացնել գրագետ և կենսունակ բիզնես գաղափարներ և գնահատել դրանց կենսունակությունն ու պահանջարկը շուկայում, օգտագործելով «բիզնես գաղափարների գեներացման ճանապարհային քարտեզ» գործիքակազմը և ինքնագնահատման ու վավերացման այլ գործիքներ:

Գաղափարատոնի կարևոր առավելություններից մեկը մասնագիտացված ուսուցումն է, որի շրջանակում մասնակիցները ձեռք կբերեն անհրաժեշտ գիտելիքներ և գործնական հմտություններ։ Դրանք կօգնեն նրանց առավել պատրաստված և վստահ մասնակցել ծրագրի հաջորդ՝ ինկուբացիոն, նախաաքսելերացիոն և աքսելերացիոն փուլերին, որոնք իրականացվում են ԻՐԻՍ բիզնես ինկուբատորի և Իմփաքթ Հաբ Արմենիայի կողմից։ 

Մասնակիցները միջոցառմանը դիմելու են որպես անհատ՝ միջոցառման ընթացքում ձևավորելով թիմեր և միավորվելով տեղում ձևավորված բիզնես գաղափարների շուրջ։ 

Միջոցառման հիմնական նպատակը հաղթող գաղափարի ընտրությունը չէ, այլ մասնակիցների կողմից բիզնես գաղափար ստեղծելու ամբողջական գործընթացի ընկալումն ու յուրացումը։ 

«Մարզային գաղափարատոն ամառ 2026»-ը անց է կացվելու ս.թ. հուլիսի 4-5՝  Վիլլա3 համայնքային հաբ Դիլիջանում։

Գաղափարատոնի բոլոր մասնակիցներին միջոցառման ավարտին կտրամադրվի առցանց մասնակցության վկայական։

Հայտադիմումների ընդունում

Հայկական Կարիտասը, ԻՐԻՍ Բիզնես Ինկուբատորը և Իմփաքթ Հաբ Արմենիան Three4ResilientArmenia ծրագրի շրջանակում հայտարարում են հայտադիմումների ընդունման փուլը  «Մարզային գաղափարատոն ամառ 2026» միջոցառման համար, որն ուղղված է ծրագրի թիրախային խմբերի, մասնավորապես՝ Լեռնային Ղարաբաղից 2020թ․ և 2023թ․ տեղահանված մեր հայրենակիցների, հյուրընկալող համայնքների բնակիչների, այդ թվում 2020 թ. պատերազմի հետևանքով տուժած անձանց շրջանում ձեռներեցության խթանմանը՝ կենսունակ բիզնես գաղափարների ձևավորման միջոցով։

Հայտադիմումների ընդունման ժամանակահատվածը՝ 2026 թ․ հունիսի 9-ից մինչև հունիսի 28-ը ներառյալ:

Լեզուն՝ Հայտադիմումները պետք է ներկայացվեն հայերեն:

Ո՞վ կարող է դիմել։

Three4ResilientArmenia «Մարզային գաղափարատոն ամառ 2026-ը» բաց է Հայաստանում բնակվող 18 տարեկանից բարձր բնակիչների համար, ովքեր համապատասխանում են ստորև նկարագրությանը՝

• Լեռնային Ղարաբաղից 2020 և/կամ 2023 թ․ տեղահանված անձինք․

• 2020 թ. պատերազմի մասնակիցներ, այդ թվում՝ վիրավորում ստացած․

• 2020 թ. պատերազմի հետևանքով տուժած տեղացիներ․ 

• երիտասարդներ, այդ թվում՝ ուսանողներ․

• ձեռներեցությամբ հետաքրքրվող անձինք․

• բոլոր նրանք, ովքեր ցանկանում են ձեռք բերել կենսունակ բիզնես գաղափարներ գեներացնելու հմտություն․

• նաև նրանք, ովքեր արդեն ունեն բիզնես գաղափար և ցանկանում են ստուգել ու վավերացնել դրա կենսունակությունը ժամանակակից մեթոդներով ու գործիքակազմով։

Մասնակցության ընտրության չափորոշիչները

Հայտադիմումների գնահատումն ու մասնակիցների ընտրությունը կիրականացվի ծրագրային թիմի 3 անդամից բաղկացած հանձնաժողովի կողմից՝ հետևյալ չափորոշիչներով․

• հայտադիմումի լիարժեքությոն

• պատրաստակամություն և պատասխանատվություն. մրցունակ կհամարվեն այն դիմողները, ովքեր կցուցաբերեն հետաքրքրություն և առավել պատրաստակամ ու մոտիվացված կլինեն՝ մասնակցելու երկօրյա գաղափարատոնին։

Տեղեկատվական նիստեր

Միացե՛ք տեղեկատվական հանդիպմանը՝ Գաղափարատոնի, դրա նպատակների, թեմաների, դիմումի գործընթացի և ժամանակացույցի մասին ավելին իմանալու համար:

Ամսաթիվ՝  հունիսի 13-ին, ժամը 14:00-ին 

Տարածք՝ «Դիլիջանի երիտասարդների համագործակցության կենտրոն» ՀԿ (21 Հակոբջանյան փողոց, 3rd նրբանցք, Դիլիջան)

Միացեք մեր առցանց տեղեկատվական նիստին՝ Գաղափարատոնի, դրա նպատակների, թեմաների, դիմումի գործընթացի և ժամանակացույցի մասին ավելին իմանալու համար:

Ամսաթիվ՝  հունիսի 18, 17:00 -18:00

Zoom հղում՝ https://us06web.zoom.us/meeting/register/ETqGijhLSxmuCeAPc0E7BA

Կապ

«Իմփաքթ Հաբ Արմենիա» սոցիալական նորարարության զարգացման հիմնադրամ

Հայաստան, Երևան 0005, Տիգրան Մեծի պողոտա 80

Հեռ․՝ 094 579794

Էլ․ հասցե՝  [email protected]  [email protected]

Դիմելու համար, սեղմեք ստորև կոճակը և լրացրեք հայտադիմումը։