Նկարագրություն
Ունե՞ք համարձակ գաղափար, որը կարող է բերել ազդեցիկ լուծումներ:
Զարթիր ֆելոուշիփը մեկամյա ինկուբացիոն ծրագիր է, որը ֆինանսավորում է Whitt Family Foundation-ը և իրականացնում Իմփաքթ Հաբ Երևանը: Ծրագրի առաքելությունն է աջակցել սոցիալական ձեռներեցներին, հետազոտողներին, անհատներին և կազմակերպություններին, որոնք գործունեություն են ծավալում հետևյալ ոլորտներում (բայց չսահմանափակվելով դրանցով)՝ մայրական բարեկեցություն, երեխաների խնամք, ընտանեկան բռնության կանխարգելում, կենդանիների իրավունքներ, աջակցություն վետերաններին, հաշմանդամություն ունեցող անձանց աջակցություն և այլն:
Իմփաքթ Հաբ Երևանը ակտիվորեն համագործակցում է Whitt Family Foundation-ի հետ 2018 թվականից՝ աջակցելով ավելի քան 100 անհատների զարգացնելու իրենց սոցիալական ձեռնարկություններն ու նախաձեռնությունները:
Առավելությունները
Որպես Զարթիր ծրագրի մասնակից՝ Դուք կօգտվեք հետևյալ հնարավորություններից.
- Թիրախային դասընթացներ՝ ուղղված բիզնեսի զարգացմանը
- Մասնագիտական մենթորություն
- Իմփաքթ Հաբ Երևանի համայնքի անդամակցություն, ինչպես նաև համատեղ աշխատանքային տարածքից օգտվելու հնարավորություն
- Փորձի փոխանակման հնարավորություն
- Նոր կապեր հաստատելու հնարավորություն
Լավագույն մասնակիցներին կտրամադրվի ֆինանսական աջակցություն (յուրաքանչյուրին մինչև $1,000-ի չափով)՝ հիմնվելով վերջնական ներկայացման արդյունքների վրա:
Ովքե՞ր կարող են դիմել
- Սկսնակ ձեռներեցներ, վաղ փուլում գտնվող ստարտափներ և նորարարներ, որոնք ունեն համարձակ գաղափարներ և հանձնառու են ստեղծել սոցիալական ազդեցություն:
- Անհատներ կամ թիմեր՝ անկախ այն հանգամանքից, թե արդյոք նրանք արդեն գրանցված են որպես բիզնես, թե ոչ:
- Ձեռներեցներ և սկսնակ ստարտափներ, որոնք պատրաստակամ են մասնակցել ծրագրի բոլոր միջոցառումներին:
Ուղղությունները ներառում, բայց չեն սահմանափակվում հետևյալով․
- Մայրական բարեկեցություն
- Երեխայի բարեկեցություն` ներառյալ թերսնուցումը և սննդակարգի կրթությունը
- Ընտանեկան բռնության կանխարգելում
- Կենդանիների իրավունքներ և բարեկեցություն (ներառյալ փողոցային կենդանիների խնամք)
- Աջակցություն վետերաններին
- Հաշմանդամություն ունեցող անձանց բարեկեցություն
Եթե Ձեր նախագիծը վերաբերում է այս ոլորտներից դուրս որևէ հրատապ խնդրի, մենք խրախուսում ենք կիսվել Ձեր գաղափարներով։ Մեր նպատակն է աջակցել ազդեցիկ լուծումներին, որոնք լուրջ փոփոխություններ կմտցնեն համայնքներում։
Ծրագրի ժամկետներ
- Հայտադիմումների ընդունման վերջնաժամկետը՝ Ապրիլի 6, 2026, ժամը՝ 23:59
- Ծրագրի մեկնարկ․ Ապրիլ, 2026թ․:
- Ծրագրի ավարտ․ Մարտ, 2027թ․:
Նախնական ընտրությունն անցած թեկնածուները կհրավիրվեն հարցազրույցի, իսկ վերջնական ընտրությունը կկատարվի Whitt Family Foundation-ի և Իմփաքթ Հաբ Երևանի ներկայացուցիչներից կազմված ժյուրիի կողմից:
Հարցերի դեպքում կարող եք գրել [email protected] էլ. հասցեին և հետևել մեզ սոցիալական ցանցերում՝ թարմացումներին ծանոթանալու համար:
Իրականացվում է Իմփաքթ Հաբ Երևանի և Whitt Family Foundation-ի կողմից: