Նկարագրություն

Կանանց Ձեռներեցության ֆելոուշիփը հինգամսյա ինտենսիվ ինկուբացիոն ծրագիր է, որը նախատեսված է Հայաստանում կին ձեռներեցների հզորացման համար։ Անդրադառնալով այն յուրահատուկ խոչընդոտներին, որոնց բախվում են կանայք, ներառյալ ֆինանսների և բիզնես կապերի սահմանափակ հասանելիությունը, այս ծրագիրը տրամադրում է անհրաժեշտ գործիքներ, գիտելիքներ և համայնք՝ նորարարական գաղափարները կայուն և բարձր ազդեցություն ունեցող ձեռնարկությունների վերածելու համար:

Կանանց Ձեռներեցության ֆելոուշիփը իրականացվում է Finance in Motion-ի և Իմփաքթ Հաբ Արմենիա սոցիալական նորարարությունների զարգացման հիմնադրամի կողմից, աջակցվում է Հարավարևելյան Եվրոպայի Եվրոպական հիմնադրամի (EFSE) կողմից և ֆինանսավորվում է Եվրոպական միության կողմից՝ EU4Business նախաձեռնության շրջանակներում:

Նպատակ և առավելություններ

Հայաստանում կանայք տնօրինում են ձեռնարկությունների միայն 28-31%-ը, ինչը հաճախ սահմանափակվում է փոքրածավալ մանրածախ առևտրով՝ ֆինանսավորման և բիզնես վերապատրաստումների պակասի պատճառով: Այս ֆելոուշիփի նպատակն է լրացնել այդ բացը՝ կանանց, հատկապես խոցելի խմբերի ներկայացուցիչներին (այդ թվում՝ միայնակ մայրերին, տեղահանված կանանց և հաշմանդամություն ունեցող կանանց), տրամադրելով կարևոր հմտություններ ֆինանսական գրագիտություն և ձեռնարկատիրական գործունեությունը ընդլայնելու համար:

Նպատակն է ստեղծել աջակցող էկոհամակարգ, որտեղ 15 ընտրված մասնակիցներ կարող են զարգանալ ավելի քան 350 նորարարներից բաղկացած համայնքի հետ միասին:

Բոլոր մասնակիցները կօգտվեն Իմփաքթ Հաբ Արմենիայի եզակի էկոհամակարգից, որը ներառում է․

• Մասնագիտացված դասընթացներ. Ներդրումային պատրաստվածություն, բիզնես մոդելավորում, մարքեթինգային ռազմավարություններ և ֆինանսական կառավարում:
• Ֆինանսական գրագիտություն և քոուչինգ․ Անհատական հանդիպումներ բիզնես մոդելների օպտիմալացման և ֆինանսավորման նորարարական մոդելների (քրաուդֆանդինգ, միկրովարկեր) ուսումնասիրման համար:
• 5-ամսյա անդամակցություն Իմփաքթ Հաբ Արմենիային․ Հասանելիություն ոգեշնչող աշխատանքային տարածքին և համագործակցային մասնագիտական ցանցին:
• Մենթորություն․ Փորձառու մենթորների ուղղորդում և խմբային հանդիպումներ՝ առաջընթացն ու մարտահրավերները հաղթահարելու համար:
• Networking միջոցառումներ․ Երեք հատուկ միջոցառում, ներառյալ եզրափակիչ Demo Day-ը՝ ոլորտի առաջատարների և ներդրողների մասնակցությամբ:
• Գլոբալ և տեղական հասանելիություն․ Կապ աշխարհի 130-ից ավելի Իմփաքթ Հաբերի և Իմփաքթ Հաբ Արմենիայի ցանցի հետ:

Ծրագրի ավարտին երեք լավագույն թիմերից յուրաքանչյուրը կստանա 1,500 եվրո դրամաշնորհ՝ հաշվի առնելով իրենց առաջադիմությունը և եզրափակիչ փիչինգի արդյունքները։

Կարևոր ժամկետներ

• Ծրագրի տևողությունը՝ Ապրիլ – Հուլիսի 31, 2026 թ
• Դիմումների վերջնաժամկետ՝ Մարտի 23, 2026 թ., 23:59

Ովքե՞ր կարող են դիմել

Ծրագիրը բաց է Հայաստանի բոլոր կին ձեռներեցների համար: Առաջնահերթությունը կտրվի՝

• Խոցելի խմբերի կանանց (տեղահանված կանայք, միայնակ մայրեր, խնամակալներ, հաշմանդամություն ունեցող կանայք):
• Գաղափարի սկզբնական փուլում գտնվող բիզնեսներին կամ գործող փոքր ձեռնարկություններին, որոնք ցանկանում են ընդլայնվել:
• Հստակ սոցիալական կամ համայնքային ազդեցություն ունեցող նախագծերին:

Մասնակիցները պարտավորվում են մասնակցել բոլոր դասընթացներին, մենթորական հանդիպումներին և networking միջոցառումներին: