…Այս ծրագիրը ավարտվել է…
Նկարագրություն և նպատակ
Ucom Ֆելոուշիփ ինկուբացիոն ծրագիրը նախատեսված է Իմփաքթ Հաբ Երևանի կողմից և միտված է զարգացնելու և հզորացնելու սկզբնական փուլում գտնվող այն նախագծերը, որոնք համատեղվում են բնապահպանական լուծումներով տեխնոլոգիաների հետ: Այս Ֆելոուշիփը եզակի հարթակ է ստեղծում սկսնակ ձեռնարկատերերի և նորարարների համար՝ շրջակա միջավայրի կայունության մարտահրավերներին ուղղված իրենց գաղափարները վերածելու ազդեցիկ լուծումների:
Ucom Ֆելոուշիփը նպատակ ունի աջակցել տաղանդավոր անհատներին և թիմերին, ովքեր ուսումնասիրում են տեխնոլոգիաները շրջակա միջավայրի կայունության հետ ինտեգրելու նորարարական ուղիներ: Ծրագիրը կենտրոնանում է գործընկերներին ուղղորդելու իրենց սկզբնական գաղափարների վավերացման գործընթացին, նրանց բիզնես մոդելների կատարելագործմանը և նախատիպերի կամ նվազագույն կենսունակ արտադրանքների (MVP) մշակմանը:
Իմփաքթ Հաբ Երևանը Ֆելոուների համար կկազմակերպի հարմարեցված դասընթացներ` շրջանաձև տնտեսության սկզբունքների հիմնական հմտությունների, բիզնեսի խորաթափանցության և տեխնիկական կարողությունների վերաբերյալ: Ֆելոուները փորձառու մենթորներից կստանան անհատական ուղեցույց, ինչպես նաև հետադարձ կապ ու աջակցություն, ինչը կարևոր է նախագծի մշակման սկզբնական փուլերը հաղթահարելու համար:
Առավելություններ
Ֆելոուշիփը տրամադրում է անվճար հասանելիություն Իմփաքթ Հաբի եզակի էկոհամակարգին և ներառում է․
- Գաղափարի վավերացում և ճշգրտում
- Ձեռնարկատիրական գիտելիքները զարգացնող դասընթացներ
- Մենթորություն Ucom-ի կողմից իրենց պրակտիկայի ոլորտում գործող ձեռներեցների/մասնագետների կողմից
- Փորձագետների կողմից խորհրդատվական ծառայություններ այնպիսի ոլորտներում, ինչպիսիք են շուկայի վերլուծությունը, կայունությունը և տեխնոլոգիաների զարգացումը
- Անդամակցություն Իմփաքթ Հաբ Երևանին` ներառյալ ոգեշնչող տարածքից աշխատելու հնարավորություն
- Հասանելիություն ունենալու «Իմփաքթ Հաբ»-երի 100+ գլոբալ ցանցին
- Ներկայացվածություն Իմփաքթ Հաբ Երևանի բոլոր հիմնական հարթակներում
- Լավագույն գաղափարը ծրագրի ավարտին կարժանանան 500,000 դրամ ֆինանսական մրցանակի:
Նրանք, ովքեր կավարտեն ֆելոուշիփ ծրագիրը, հնարավորություն կունենան գրանցվելու Իմփաքթ Հաբ Երևանի շրջանավարտների հատուկ անդամակցության ծրագրին, ինչը նրանց հնարավորություն կտա պահպանել երկարաժամկետ կապեր և ստանալ այն առավելությունները, որոնք առաջարկում է Իմփաքթ Հաբ Երևանը իրենց ֆելեուշիփի շրջանակներից դուրս։
Կարևոր ժամկետներ
Ծրագրի տևողությունը 6 ամիս է:
Դիմումների վերջնաժամկետ՝ 12-ը օգոստոսի, 2024 23:59 (տեղական ժամանակով)
Ակնկալվում է, որ ընտրված նախագծերը կարտադրեն նվազագույն կենսունակ արտադրանք (MVP) մինչև ֆելոուշիփի ավարտը:
Թիրախային խումբ
Այս ծրագրի թիրախային խումբը ներառում է անհատներ, թիմեր, ստարտափներ և ձեռներեցներ Հայաստանում, ովքեր աշխատում են տեխնոլոգիաների և շրջակա միջավայրի կայունության խաչմերուկում և ունեն մասշտաբայնության և չափելի ազդեցության ներուժ:
Ովքե՞ր կարող են դիմել
Կարող են դիմել բոլոր համարձակ անհատները/թիմերը, որոնք նորարարական մոտեցում են ցուցաբերում տեխնոլոգիայի օգնությամբ բնապահպանական մարտահրավերներին դիմակայելու համար:
Բոլոր նրանք, ովքեր կընտրվեն ֆելոուշիփ ծրագրի համար, պարտավորվում են իրականացնել իրենց նախաձեռնությունը որպես առաջնահերթություն (այսինքն՝ իրենց ժամանակի առնվազն 70%-ով) և մասնակցել ծրագրերի, միջոցառումների և համայնքային գործունեության առնվազն 70%-ին Իմփաքթ Հաբ Երևանում:
Կազմակերպվում է Իմփաքթ Հաբ Երևանի և Ucom-ի կողմից։