fbpx
Զարթիր ֆելոուշիփ 2023
19 April 2023 - yerevan

…Այս ծրագիրը ընթացքի մեջ է…

Նկարագրություն

Զարթիր ֆելոուշիփը Իմփաքթ Հաբ Երևանի կողմից իրականացվող մեկամյա ծրագիր է։ Այն սատարում է սոցիալական ձեռնարկատերերին, անհատներին, բիզնեսներին, կամ նախագծերին, որոնք գործում են կամ պլանավարում են ներառել ստորև նշված ոլորտները։

Հիմնական ոլորտները

Ծրագրի հիմնական ոլորտներն են (կարող են ներկայացվել նաև այլ ոլորտներ)՝

  • Վետերանների բարեկեցություն
  • Մայրերի բարեկեցություն
  • Երեխաների բարեկեցություն (մասնավորապես թերսնում և սննդային կրթություն)
  • Ընտանեկան բռնություն
  • Կենդանիների իրավունքներ և բարեկեցություն (ներառյալ փողոցային շների/կատուների խնդիրը)
  • Հաշմանդամություն ունեցող անձանց բարեկեցություն։

Առավելություններ

Ֆելոուշիփը տրամադրում է անվճար հասանելիություն Իմփաքթ Հաբի եզակի էկոհամակարգին և ներառում է․

  • Ձեռնարկատիրական գիտելիքները զարգացնող դասընթացներ
  • Քոուչինգ
  • Մենթորություն
  • Կրթական ծրագրեր և միջոցառումներ
  • Ներկայացվածություն Իմփաքթ Հաբ Երևանի բոլոր հիմնական հարթակներում
  • Անդամակցություն Իմփաքթ Հաբ Երևանին
  • Աշխարհի ավելի քան 100 Իմփաքթ Հաբերին հասանելիություն
  • Ոգեշնչող տարածքում աշխատելու հնարավորություն
  • Փորձի փոխանակման հնարավորություն
  • Համագործակցային համայնք և գլոբալ ցանց
  •  340+ ստեղծագործող նորարարներց կազմված մասնագիտական ցանց
  • +  լավագույն 2 նախագծերը/հետազոտությունները կստանան 1000 դոլլար ֆինանսական աջակցություն՝ Ֆելոուշիփ ծրագրի հաջող ավարտից հետո։  

Ֆելոուշիփը նպատակ ունի ոգեշնչել, կապակցել և սոցիալական ձեռներեցներին հնարավորություն տալ լուծելու սոցիալական խնդիրները և լավագույնս կատարելու իրենց աշխատանքն աջակցող, ոգեշնչող միջավայրում, որը ներառում է Հայաստանի ավելի քան 340 լավագույն և ամենավառ նորարարներին՝ ներկայացված ավելի քան 110 կազմակերպություններով, ձեռնարկություններով և նախաձեռնություններով:

Ժամանակացույց

  • Ֆելոուշիփի տևողությունը 1 տարի է։
  • Հայտադիմումների ընդունման վերջնաժամկետը՝ մայիս 7, 2023, ժամը՝ 23:59 (ՀՀ տեղական ժամանակով)
  • Ծրագրի մեկնարկ՝ մայիս, 2023:

Ծրագրի մեջ ընդգրկված մասնակիցները պարտավորվում են դրսևորել հավուր պատշաճի մասնակցություն, որը իրենցի ենթադրում է բարձր առաջադիմություն, պարտաճանաչ ներկայություն և ակտիվ մասնակցություն բոլոր հնարավոր միջոցառումներին և դասընթացներին։

Ակնկալվում է, որ ընտրված նախագծերը կարտադրեն նվազագույն կենսունակ արտադրանք մինչև իրենց ֆելոուշիփի ավարտը:

Իրականացվում է Իմփաքթ Հաբ Երևանի կողմից: