… Այս ծրագիրն ավարտված է …
Ինչ: Կարողությունների զարգացման միջոցառում, որին կհաջորդի ֆինանսական աջակցության մրցույթ։
Երբ և որտեղ: Երևան, Հայաստան –Հունիս, 2020
Աշխարհում կորոնավիրուսի բռնկման ֆոնին հնարավոր է, որ միջոցառումը հարկ լինի հետաձգել կամ տեղափոխել առցանց հարթակ: Մենք հետևում ենք իրավիճակին և մասնակիցներին կտեղեկացնենք ցանկացած փոփոխության մասին։
Կազմակերպիչներ: Պրահայի Քաղաքացիական հասարակության կենրտրոն և Իմփաքթ հաբ Երևան
Միջոցառման լեզուն․ Անգլերեն և հայերեն։ Մասնակիցներն իրենց ծրագրերը կներկայացնեն անգլերեն, իսկ խորհրդատուների հետ աշխատանքը կլինի հայերեն։
Մասնակիցներ: Սեմինարին կմասնակցեն առավելագույնը 15 հասարակական կազմակերպություն, որոնք կընտրվեն բիզնես գաղափարների մրցույթի հիման վրա։
Ծրագրի Մասին
Դուք Հայաստանում շահույթ չհետապնդող, քաղաքացիական հասարակության կազմակերպության կամ անկախ լրատվամիջոցի անդամ եք և ունեք սոցիալական բիզնեսի գաղափար, որը կարող է խթանել ձեր կազմակերպության կայունությունը: Պրահայի քաղաքացիական հասարակության կենտրոնը և Impact Hub Yerevan- ը հրավիրում են ներկայացնել ձեր գաղափարը և դիմել սոցիալական ձեռներեցության սեմինարի մասնկացության համար, որին կհետևի ֆինանսավորման աջակցության մրցույթ:
Ինչ Ակնկալել
Ծրագրի նպատակն է նպաստել հասարակական կազմակերպությունների կայուն գործունեությանը՝ սոցիալական ձեռնարկատիրության միջոցով։ Սեմինարին կարող են մասնակցել ժողովրդավարական արժեքներ տարածող՝ մարդու իրավունքների և հիմնարար ազատությունների ոլորտում գործող հասարակական կազմակերպությունները, ասոցիացիաներն ու անկախ լրատվամիջոցները։
Մասնակիցները կաշխատեն խորհրդատուների հետ, նրանց օգնությամբ կհղկեն իրենց բիզնես նախագիծը և կնախապատրաստվեն ներկայացնել այն ֆինանսավորման համար։ Սեմինարից հետո, ընտրված մասնակիցները հնարավորություն կստանան դիմել Պրահայի քաղաքացիական հասարակության կենտրոնի սթարթափ ներդրման մրցույթին։ Մրցույթին կարելի է դիմել արդեն գործող բիզնեսի ընդլայնամն կամ զարգացման համար։ Այստեղ կարող եք կարդալ անցյալ տարվա մրցույթի մասին
Ծրագիր
Մեկօրյա վերապատրաստում ․ խորհրդատուները կներկայացնեն բիզնես պլանի կառուցման տարբեր մոդելներ և կքննարկեն ծրագրի կառավարման սկզբունքները։
Եռօրյա սեմինար․ Խորքային, ինտենսիվ խորհրդատվություն` բիզնես մոդելների և ծրագրի ներկայացման տեխնիկայի մասին։ Մասնակիցները կներկայացնեն իրենց բիզնես նախագծերը և կլսեն դրանց վերաբերյալ մասնագետների կարծիքները։
Սեմինարից հետո: Մասնակիցները իրենց գաղափարների վերաբերյալ խորհրդատվություն ու կարծիք ստանալուց հետո, կդիմեն Պրահայի քաղաքացիական հասարակության կենտրոնի ֆինանսական աջակցության մրցույթին։
Ո՞վ Կարող Է Դիմել
Խրախուսում ենք դիմել, եթե․
– ունեք սոցիալական բիզնեսի գաղափար, որը կարող է խթանել ձեր հասարակական գործունեության կայունությունը և նպաստել կազմակերպության սոցիալական առաքելությանը։.
– ուզում եք մասնագետների միջոցով հարստացնել սոցիալական ձեռնարկատիրության մասին ձեր գիտելիքները։
– փնտրում եք ներդրման հնարավորություն՝ սոցիալական բիզնեսի ձեր գաղափարն իրականություն դարձնելու համար։
